Fátt er svo með öllu...

Sumar mitt hefur verið kortlagt.  Í stað vikutímans í Berlín sem hvarf svo skyndilega er komið plan á feitan rúnt um stóran hluta þriðja ríkisins.

Ferðin hefst laugardagskvöldið næsta með skemmtilegasta drykkjuleik í heimi í partýi í 101 og endar í annarskonar drykkjuleik í smábæ á Sjálandi. 

Í millitíðinni er planað að eyða nokkrum vikum í Haupstadt, Kíkja á leiklistahátíð í Vín þar sem EM stemmingin verður drukkin í sig, því næst verður Wiesbaden hátíðin tekin með trompi, tæpar tvær vikur verða svo nýttar til að koma sér niður til Hafnar (líklega með góðum stoppum í Be-Ne) Herlegheitunum verður svo slúttað á Hróaskeldu í steikjandi hita og vitleysu.

Með í för verða góðir vinir og enn betri kunningjar.

Það er bara að vona að þessi sigurför okkar um svæðið fari betur en áður hefur verið á reynt.   

Athugasemdir

[Anna Svava (IP-tala skráð) 22.5.2008 kl. 21:59]

Mér finnst ólöglegt að skrifa svona á síðuna! Ólöglegt og skammarlegt, en góða skemmtun.

[jósa (IP-tala skráð) 24.5.2008 kl. 22:31]

heheheh kannski væriru til í að skála við eina gamla á Hróarskeldu. jebb sjáumst þar. Við höfum nú áður skálað í Danmörku þegar við vorum aðeins yngri.

kv. Jósa