Ferðalag

Ferðin hefur verið lengi í undirbúningi, bíllinn bónaður og farangri pakkað, ástvinir kvaddir. Lagt hefur verið af stað en áfangastaðurinn er þó enn lang í burtu.  Á veginum urðu fyrir ófyrirsjánleg fjöll, sem erfitt er að fara yfir en ómögulegt að ætla kringum, því þá yrði ferðin farin um flatlendi, og það er ekkert gaman. 

Kortið gleymdist heima.  Í síðustu viku settust ferðalangar saman niður og teiknuðu sér sitt eigið kort, allavega vísi að korti, vegvísi.  Svo var lagt af stað á ný en í stað þess að rýna í kortið og reyna að fullklára það, var stefnan tekin beint áfram á næsta tind. 

Og viti menn, bíldruslan virtist mjakast uppá við, toppurinn virtist örlítið nær, vorum við að komast yfir erfiðasta hjallann.  Þá drapst á vélinni. 

Helgin var tekin í að fara yfir vélina, pumpa í dekkin, smyrja meira nesti. Færa til bókanir.  Sólin kemur upp á ný og við leggjum af stað, en í stað þess að bruna á áður óþekktum hraða yfir holt og hæðir, byrjar farskjótinn að renna löturhægt aftur á bak. 

Panik kemur í mannskapinn, handbremsubeygja í hálfhring og tíkin botnuð niður fjallið, til baka. 

Förum í hina áttina, fjöll eru leiðinleg.    

Craig Ferguson

Talkshow stjórnandi sem að áhvað að nota mónalóginn sinn í eitthvað annað en aulabrandara um fólk sem að á það ekki skilið.  Tékkið á honum,  hann er tótal snillingur.

Draumpennar

Draumóralandið

"Ísland á um þessar mundir í mikilli kreppu. Hún endurspeglast í því brenglaða gildis- og verðmætamati sem unga fólkið okkar hefur tileinkað sér, ekki hvað síst hinir villuráfandi sauðir sem gert hafa bókina Draumalandið að eins konar testamenti nýrra trúarbragða.

Það skal fúslega játast að Aurasálin hefur ekki lesið Draumalandið, enda hefur hún ekkert með það að gera. Aurasálin hefur fyrir löngu komist að öllum þeim sannleik sem henni er nauðsynlegur til að lifa í þessum heimi og hefur ekkert að gera við enn einn falsspádóminn sem afvegaleiðir hinar velmegandi kynslóðir okkar af braut verðmætasköpunar inn á stigu ofeldis og tómhyggju. Nei, Aurasálin er greindari en svo að fara að láta listamenn hræra upp í heimsmynd sinni.

Enn ein birtingarmyndin á veruleikafirringu Íslendinga leit dagsljósið í síðustu viku þegar femínistar, kommúnistar og vandlætingarmenn þessa lands sameinuðust gegn því að hér á landi haldi ráðstefnu sína framleiðendur kynæsandi kvikmynda. Þetta sama lið og er búið að baula gegn fullnýtingu fallvatnanna og prédika náttúrufegurð og náttúruvernd hoppar nú hæð sína af hneykslan þegar hugvitsamir útlendingar finna loksins eitthvað gagnlegt að gera við alla þessa náttúrufegurð.

Þegar kemur að kvikmyndum er Aurasálin mjög víðsýn og hefur í gegnum árin séð sinn skerf af öllum tegundum kvikmynda. Fyrir þetta skammast Aurasálin sín vitaskuld ekki – og frómt frá sagt hefur það einmitt hvarflað að henni að náttúra Íslands gæti verið góður vettvangur fyrir hugljúf ástarævintýri í erótískum kvikmyndum. Og nú loks þegar erlend athafnaskáld hafa komið auga á þennan möguleika þá ætlar hinn náttúrulausi her náttúruverndarsinna að reyna að koma í veg fyrir þessa skynsamlegu, sjálfbæru og umhverfisvænu starfsemi.

Þetta Draumalandslið er svo sannarlega óútreiknanlegt. Fyrst kvartar það yfir því að það sé verið að nota gamaldags framleiðslugreinar til þess að viðhalda eðlilegu athafnalífi í landinu – og heimtar að hugvitið verði í askana látið. Svo loksins þegar einhverjar raunhæfar hugmyndir um verðmætasköpun koma fram þá er eins og við manninn mælt að það sé ekki nógu gott.

Klámvæðing Íslands er fyrsti raunhæfi valkosturinn við álvæðinguna sem Aurasálin hefur heyrt. Og það besta er auðvitað að hægt er að reka arðvænan áliðnað samhliða blómstrandi klámmyndaiðnaði ásamt undirstöðuatvinnuvegunum, landbúnaði og sjávarútvegi. Hvernig getur unga fólkið verið ósátt við þessa framtíðarsýn?"

 

Þessi ótrúlega grein birtist í Markaðnum, fylgiblaði með Fréttablaðinu á miðvikudaginn 21. feb.    Hún var í sérstökum dálki sem að kallast Aurasálin og er svona nafnlaus-Staksteina-grein.  Ég persónulega held (vona) að þetta eigi að vera grín, allavega á "léttu nótunum", "oflof er háð" og allt það. 

Það er í það minnsta erfitt að taka mark á þessum draugapennum sem að geta skrifa allt um alla og þurfa ekki að bera eina einustu ábyrgð á skrifunum.  Það er pínu skrítið hversu sjaldan fréttir eru skrifaðar undir nafni, þó ekki væri nema netfangi eða upphafsstöfum.  Það skiptir nefnilega máli hver skrifar hvað, hvort að viðkomandi tengist viðfanginu, hvar hann stendur í pólitík, á hvaða aldri hann er, snertir viðfangið áhugasvið hans? 

Frétt er bara slúður nema að hún hafi farið allavega eina ferð í gegnum hjartað á þeim sem hana segir.

 

p.s. fína lokasetningin er reyndar ekki eftir mig heldur er hún úr leikritinu, sem að ég fer smátt og smátt að plögga meira á þessari síðu, svona undir rós.

 p.s.s allavega ef að sýningin verður góð...

 

Vöðvar

Ég byrjaði að rækta líkama minn í dag.  Frétti um daginn að ég ætti hugsanlega að mæta á nærklæðum fyrir augu Eyfirðinga. 

Palli Rokk var ráðinn á staðnum sem þjálfari og hann er meðlimur í Steve´s Gym (sem er bara fyrir ammoníak poppandi tröll!).  Sjálfur setti ég persónu (legt met, en maður segir bara "persónu") í hnébeygju (70) en annars vorum við bara í seppunum (bí og trí) og öxlum.  Að sjálfsögðu snertum við ekki tækin, bara lóð.

Ég verð hrikalegur eftir 3 vikur.

 

p.s. Settumst saman niður eftir hádegi og tókum kerfið á helvítið!!

Good times

Við lifum á góðum tímum.  mikið er ég hamingusamur að heimurinn sé orðinn svo áhyggjulaus og fullkominn að fréttastofa ríkissjónvarpsins telur það ráðlagt að tilkynna þjóðinni í aðalfréttatíma sínum að poppsöngkona hafi ferið í klippingu, nokkrum vikum eftir að stærsta og útbreiddasta blað landsins slær upp á forsíðu sinni að módel sé dáið.

Líklega hafa þetta þó átt að vera svokallaðar "jákvæðar" fréttir.  Það nennir enginn að heyra meira um stríð. 

Kókalóka

Fyrir nokkrum mánuðum tröllriðu tveir drengir fjölmiðlum landsins með opinskáum yfirlýsingum um kosti eiturlyfja.  Dr.Mister & Mr. Handsome.  Þeir áttu vinsælustu lögin og óðu kellingum og dópi. 

Gott partý, sem að tók enda.  Dr. Mister fór í meðferð.  En hann er ekki hættur í músík og hefur heitið að næsta plata muni ekki á neinn hátt snúast um eiturlyf.  þá getur Mr. Handsome ekki verið með.  En hver getur þá verið með?  Hver er alltaf edrú og í músík? 

Fyrir mér er svarið augljóst:  Gunnar Hansson leikari. Gunni Hans drekkur ekki og á bassa, hann verður pottþétt með í næsta bandi Dr. Mister, það liggur í augum uppi.

og hvað gæti bandið heitið? Að sjálfsögðu:

Dr. Mister & Mr. Hanson.  

Rétta leiðin

Síðasta vika búin að vera viðburðarík (allavega á Akureyrískan mælihvarða). Æfum á hverjum degi og hópurinn rembist við að finna leið í gegnum skóginn sem skáldið hefur lagt í hendur okkar, sumir eru á því að við séum á réttri leið, aðrir ekki. 

Núna er krúsjal tími í leikhúsinu okkar, að finna réttu leiðina, sem að ALLIR eru sammmála um að sé hin eina rétta.  Það er nefnilegra ekkert verra en leikari sem að veit ekki hvað hann er að gera.

En hvernig finnur maður þessa "réttu" leið?  Ef að ég ætti að svara myndi ég segja: Með greiningu, að nota Kerfið.  Aðrir myndu hugsanlega segja eitthvað allt annað: prófa áfram hitt og þetta, bæta við, skera burt eða bara gera "eitthvað".

 "stundum er það bara "afþvíbara!" eins og einn leikstjóri sagði (hóst) ranglega.

Auðvitað á að prófa hitt og þetta, jafnvel bæta við og guð minn góður hve mikið þarf oft að skera en fyrst þarf hópurinn og sér í lagi leikstjórinn að vita AF HVERJU. Af því að það er aldrei afþvíbara.

Eða hvað?

Er kannski engin "dýpri" merking bak við orðin, enginn undirtexti, engin undirlyggjandi hindrun? 

Ég tel mig vita svarið...

 

p.s. ég er verð á malbikinu um helgina.

Meistari á meðal vor

Áðan var ég á leið í hádegismat og við Óli Steinn vorum að pæla hvort að við ættum að fara á Búlluna og á meðan sat Megas einn út í horni og spilaði angurvært á píanó.  mjög súrealískt og fallegt.

Kollegi Fallinn

Þeir sem eiga leið um Eyjafjörðinn í kvöld geta sótt styrk á þessum erfiðu tímum í Melrose á Hótel Hörpu.  Það þarf enginn að takast á við sorgina einn, fjölmennum því og hjálpum hvoru öðru við að komast yfir erfiðasta hjallann.  Sameinuð stöndum vér, sundruð við föllum. Erfidrykkja hefst uppúr tíu.

Sofðu rótt Ameríska rós.

 

Anna Nicole Smith 1965 - 2007.

Brennsi í burstabæ

Á Akureyri er ekki mikið að gera.  samt er ég búinn að fara á tvö þorrablót.  Fyrst eitt heima á Melrose og svo á þorrablót LA.  Hið síðarnefnda var haldið á miðvikudagskvöldið (!) í burstabæ rétt utan við Akureyri. Sérdeilis viðeigandi hýbíli til blóts og fann maður íslendinginn í sér blómsta þegar öðlingurinn Þráinn Karlsson steig á stokk sagði sögur úr sveitinni og fór með rýmur.  Sigmundur Ernir ("hei sá ég þig ekki í kompásþættinum um daginn?") fór líka með ræðu um að LA væri bezt í heimi (hann er í stjórn) og rak síðuhaldari svo endahnútinn með velvöldum eftirhermum (Davíð, Jón, Ólafur, Sverrir). Fjöldasöngur í lokinn. Sígilt íslenskt Þorrablót.  Eftirpartýi heima hjá Palla Rokk: Brennivín og rifrildi um leiklist.  Besta miðvikudagskvöldið síðan ég kom.