Af næsta Eddu hamphafa & Daníeli Ágústi

Jörundur vinur minn er tilnefndur til Eddunar fyrir hlutverk sitt sem slefandi gleraugna geldingurinn í Veðramótum. Ég væri að ljúga ef að ég segði það hafa komið mér á óvart.  Það sem kom mér á óvart var hversu Astrópía var sniðgengin. Kommon! leikmynd og búningar?! 

Á nýliðinni Airwaves hátíð breytti Daníel Ágúst lífi mínu.  Ekki var hann uppi á sviði í syngjandi sveiflu ásamt öðrum poppurum með Meik í augunum,  heldur var það þegar ég sá hann á trylltum tónleikum, leggja á leið sína krók til að fiska upp bjórglas af gólfinu og koma fyrir á borði. 

Fyrir mér rann upp ljós, þetta var það sjálfsagðasta í heiminum.  Það er óþægilegt að standa á glerbrotum og njóta tónleika, starfsfólk hefur betra við vinnutíma sinn að gera en að sópa og   þetta er ekkert mál.  Örlítið aukaerfiði á eigin hryggjasúlu við niðurbeygingu en ekkert til að gráta yfir. 

Restina af hátíðinni lagði ég, liggur við, lykkjur á leið mína ef að ég svo mikið sem sá glitta í eitthvað glerkyns á glámbekk.  Síðustu daga hef ég svo reynt að koma auga á eitthvað sem að betur mætti fara og ef að heppnin er með mér hugsa ég: Hvað myndi Daníel gera?      

Athugasemdir

[Birkir (IP-tala skráð) 25.10.2007 kl. 02:55]

Astrópía var skemmtileg og vel heppnuð. Hún fær fjöldaeddu miðakaupenda á hverjum degi.

Reðramót er tilgerðarlegt og illa skrifað stykki sem fáir kaupa sig inná, fær tilgerðarnomineisjön. Ekkert skrítið við þetta. Astrópía stendur ein og sér sem brill mynd. Svoleiðis er aldrei verðlaunað.

[Hannes (IP-tala skráð) 25.10.2007 kl. 17:42]

Jörundur á að fá Edduna, en allur debat um Edduna er bara fáránlegur. Veðramót var tilgerðarlegt, ofmetin Hollywoddremba sem nuddar boðskap sínum framan í kröfulausa íslenska áhorfendur sem halda að það sé nóg að tala um barnamisnotkun til að eitthvað sé "edgy"...

Foreldrar var 10 skrefum framar hvað varðar góða kvikmyndagerð, góðan leik og bara alvöru kvikmyndalist....

[Vignir Rafn Valþórsson, 25.10.2007 kl. 19:23]

Það er ekkert annað...