Sunnudagurinn sem leið.

Frums gekk vel.  Allir glaðir. Tinna bauð mér að vera með í Baðstofunni, sem að ég að sjálfsögðu þáði og handsöluðum við árssamning minn við Musterið að fundi loknum. 

Breiðablik tapaði sanngjarnt 1-1 gegn HK.  Stuðningsmenn Hk-inga fóru á lægsta plan og hentu vatnsblöðrum í okkur.  Í stað þess sýna þeim að fullorðið fólk heldur með græna liðinu þá þurftu Stuðblikar (þoli ekki þetta nafn) að leggja sig á sama plan og haga sér eins og fífl.  Eins og það er nú gaman að fara á völlinn og vera fyndinn þá fer maður að hætta að nenna að taka þátt í unglinga fylleríi þar sem allir ætla að slá í gegn með góðu kommenti. ("farðu heim og gerðu það sem þú gerir best og ríddu syni þínum" er bara ekki gott komment á fótboltaleik)   

Ég er farinn til London.

 

Athugasemdir

[Örlygur Axelsson, 25.9.2007 kl. 14:03]

Verð að viðurkenna að ,,Hvaða raksápu notarðu? Gillete fusion?" kommentið frá þessum fyrir aftan hitti beinustu leið í mark. Sköllótti HK - ingurinn sem þessu var beint að var augljóslega í sjokki.

Í heildina var þetta þó einstaklega kjánlegt sunnudagssíðdegi  í Kópavogi.   

[Bryndís (IP-tala skráð) 25.9.2007 kl. 16:41]

Sæll frændi og bestu þakkir fyrir skemmtilega sýningu á sunnudaginn! Erna litla frænka og Ari frændi hennar sátu á fremsta bekk og voru til skiptis ofurspennt og í hláturskasti... sem og við ,,gamla fólkið" aftast

Góðar kveðjur til þín og þinna!