Fótbolti, fávitar og fyrirliðar

Ég horfði á landsleik Íslands og Norður Íra.  Skítaleikur sem að íslendingar voru stálheppnir með að vinna.  Ég er samt himinlifandi, enda úrslitin einkar hagstæð fyrir mína menn. 

Það var samt tvennt sem að ég hjó eftir hjá íþróttafréttamanninum síkáta sem að lýsti gangi mála í leiknum.

Annarsvegar hló maðurinn í gegnum allar sínar setningar sem eitthvað höfðu að með Hermann Hreiðarsson að gera.  Ef að Hermann svo mikið sem hætti sér yfir á vallarhelming andstæðingana þá mátti heyra: "Sjá hahahahann Hermann, hahahann er alveg ótrúlegur..!" Eða  "HeheheheHermann bara farinn að sóhóhóla!"  Það var einhvernveginn eins og Hermann Hreiðarsson væri þroskaheftur maður sem að fengi svona að vera með og væri bara svaka duglegur að geta gert annað en að vera fyrir boltanum.

Hinnsvegar hafði þessi ágæti fréttamaður óbilandi trú á að Eiður Smári væri kristur endurfæddur (eða eitthvað álíka mikilfenglegt)  Þegar N-Írar skora sjálfsmark þaulendurtekur hann ágæti Eiðs, sem hann endilega vildi kalla fyrirliða (en ekki Hermann hinn þroskahefta) og eftir að endursýning hafði sýnt hið sanna segi hann að það skipti engu máli, Eiður hefði hvort eð er skorað.  Annars fannst mér eins og leikmenn liðsins hafi gert í því að gefa ekki á "Fyrirliðann", eins og þeir vildu sanna að þeir gætu þetta án varamannsins frá Katalóníu. Samsæri?

Svo klikkti sá síkáti út með þegar sýndar voru myndir af leikmönnum Íslands (nema Eið) að fagna sigurmarkinu sem þeir gerðu með því að benda á svört bönd sem að þeir báru um upphandlegginn í minningu nýfallins landsliðþjálfara:  "Sjáháháhá  hvehehehernig þeir fagna þessu strákarnir..!"

 

Athugasemdir

[Herminator! (IP-tala skráð) 13.9.2007 kl. 02:22]

Hemmi er miklu betri fyrirliði en varamaðurinn. Enda spilar hann reglulega...

[jósa (IP-tala skráð) 21.9.2007 kl. 01:32]

Það var þetta sem mér fannst svo hrikalega fyndið að ég skellti upp úr það er jafn fyndið að vera misheppnaður íþróttafréttamaður og að vera samanbitna veðurkonan ja eða eitthvað í sambandi við veður hehehhehhe