Nördar stríða nördum.

Ég get ekki að því gert en mér finnst stóra veðurstofumálið ógeðslega fyndið.  Auðvitað er ekkert sniðugt við það að fóli lýði illa í vinnunni og Stefán Karl er fyrir löngu búinn að kenna manni að einelti sé ljótt.  En samt.

 Einelti á Veðurstofunni.  Bara setningin er fyndin.  Hausinn á manni fer á flug. Hvernig stríða nördar nördum?  Ég sé fyrir mér:

Maður kemur að hurðinni á mötuneyti Veðurstofunar, dregur djúbt andann, og gengur inn.  Þegar inn er komið skymar hann salinn og sér aðra veðurfræðinga sitja við borðin sín og tala í lágum hljóðum.  Augu hans staðnæmast á borði fjögur.  Þar eru allir klæddir í regngalla.  Með sjóhatta og alles.  Maðurinn dæsir þegar fliss fer yfir salinn.  Allt í einu heyrist stundarhátt frá borði fjögur:

(sagt með niðurbældnum hláturtón):  " Hva, átti ekki að vera rigning í dag?.  Það er svona eins og ég hafi heyrt það einhversstaðar í gær".  (fliss)  "Og svo er bara sól úti!"

Allir hlægja. Nema stúlkan sem á að lesa fréttirnar um kvöldið.

Ég sé líka fyrir mér Harald Veðurfræðing, geðveikt fúlann að útskýra veðurkort.  Þegar betur er að gáð sér maður að á enni hans stendur, með örlítið máðum svörtum túss,  LÆGÐ.