Leiðinlegt á Grímunni, gaman á barnum.

Ég fór á Grímuna. Var skraut.  Vala var tilnefnd en fór tómhent heim.  Get ekki sagt að það hafi komið á óvart þar sem að nokkuð ljóst var að Erna myndi taka þetta.  Samt soldið skrýtið þar sem að sýningin hennar var bara sýnd einu sinni. En, dómnefndin hefur bara verið rosadugleg og öll mætt þetta eina kvöld. (varla færu þau að kjósa Ernu bara af því að hún er Erna)

Annars var ekkert svo gaman.  Allavega ekki inni í salnum, en stemmingin var góð fyrir utan og á Næstabar.  Svona hátíðir eru alltaf frekar leiðinlega meðan á þeim stendur. Allir svo strektir og stressaðir eitthvað. Þess vegna segi ég:

Slökkvum á beinu útsendingunni. Burt með prompterinn og útsendingastjórann. Þetta á bara að vera í sal, opinn bar, skemmtilegur leikari að kynna (Benni) og allir góðir á því. Svo er Ball.  Það má alveg taka þetta upp og setja svo saman klukutíma þátt sem er sýndur daginn eftir.  Það vilja nefnilega margir halda að þetta hafi svo mikið auglýsingagildi. Það held ég ekki. Ég held að meirihluti þeirra sem að horfa heima séu bara að horfa afþví að þetta er í sjónvarpinu.  Það er flestum skítsama um leiklistina.  Vilja bara sjá í hverju Hilmir er og hrista svo reglulega hausinn og muldra "hvað kemur þetta mér við?"  og "Afhverju er ekki sýnt beint af árshátíð Byko?"

Þetta er nefnilega bara árshátíð leikhúsfólks. Klapp á bakið.  Og það er allt í lagi. Mjög mikilvægt meira að segja. En það verður að vera gaman. Það á alltaf að era gaman á Árshátíðinni. Líka meðan sagt er frá því hver stóð sig best í að selja skrúfur eða þakrennufestingar.

Athugasemdir

[Jenný Anna Baldursdóttir, 18.6.2007 kl. 15:34]

"Það er flestum skítsama um leiklistina." Rólegur á fordómunum gagnvart áhorfendum í leikhúsi.  Það er hins vegar rétt að það hefur ekki mikið skemmtanagildi að horfa á heila starfsstétt mæra til hæ. og vi. hvert annað.  Satt best að segja er það ákaflega tilgerðarlegt og leiðinlegt nema kannski fyrir lesendur "Séð og Heyrt".

Takk fyrir skemmtilega pistla annars!!

[Sigríður Dóra Sverrisdóttir (IP-tala skráð) 18.6.2007 kl. 15:46]

Sæll Vignir. Ég tók ekki eftir neinum nema þér. Þú varst langflottastur. Kveðja Sigga.

[Vignir Rafn Valþórsson, 18.6.2007 kl. 18:51]

Jenný: Það sem ég var að meina er að meirihlutinn sem að horfir á Grímuna sest ekki fyrir framan tækið vegna einskærs áhuga á leiklist. Fordómar mínir beinast sem sagt frekar að þeim sem ekki eru áhorfendur í leikhúsi.

Sigga: Takk fyrir það en þú varst nú sjálf ekkert slor!