Rétta leiðin

Síðasta vika búin að vera viðburðarík (allavega á Akureyrískan mælihvarða). Æfum á hverjum degi og hópurinn rembist við að finna leið í gegnum skóginn sem skáldið hefur lagt í hendur okkar, sumir eru á því að við séum á réttri leið, aðrir ekki. 

Núna er krúsjal tími í leikhúsinu okkar, að finna réttu leiðina, sem að ALLIR eru sammmála um að sé hin eina rétta.  Það er nefnilegra ekkert verra en leikari sem að veit ekki hvað hann er að gera.

En hvernig finnur maður þessa "réttu" leið?  Ef að ég ætti að svara myndi ég segja: Með greiningu, að nota Kerfið.  Aðrir myndu hugsanlega segja eitthvað allt annað: prófa áfram hitt og þetta, bæta við, skera burt eða bara gera "eitthvað".

 "stundum er það bara "afþvíbara!" eins og einn leikstjóri sagði (hóst) ranglega.

Auðvitað á að prófa hitt og þetta, jafnvel bæta við og guð minn góður hve mikið þarf oft að skera en fyrst þarf hópurinn og sér í lagi leikstjórinn að vita AF HVERJU. Af því að það er aldrei afþvíbara.

Eða hvað?

Er kannski engin "dýpri" merking bak við orðin, enginn undirtexti, engin undirlyggjandi hindrun? 

Ég tel mig vita svarið...

 

p.s. ég er verð á malbikinu um helgina.

Athugasemdir

[Víkingur / Víxill, 16.2.2007 kl. 17:25]

kerfi eða ekki kerfi, hvað sem þið gerið, í guðs bænur drattisti til að 1) komast að samkomulagi 2)standa saman að því samkomulagi án allrar gremju og tapsæris!